Category: KOZHIKKODE

മലയാളിയെ ജിദ്ദയില്‍ ജോലി സ്ഥലത്ത് മരിച്ച നിലയില്‍ കണ്ടെത്തി

മലയാളിയെ ജിദ്ദയില്‍ ജോലി സ്ഥലത്ത് മരിച്ച നിലയില്‍ കണ്ടെത്തി

ജിദ്ദ: മലയാളിയെ ജിദ്ദയില്‍ ജോലി സ്ഥലത്ത് മരിച്ച നിലയില്‍ കണ്ടെത്തി. പരേതനായ ടിപി ഉസ്മാന്‍ കോയയുടെ മകന്‍ കരിപ്പൂര്‍ സ്വദേശി തായത്തെ പള്ള്യാലെ അബ്ദുല്‍ റസാഖിനെയാണ് ജോലിസ്ഥലത്ത് മരിച്ച നിലയില്‍ കണ്ടെത്തിയത്. നാട്ടിലേക്കു പോകുവാനായി തൊഴിലുടമയോട് റീഎന്‍ട്രി വിസയ്ക്ക് ആവശ്യപ്പെട്ടിരുന്നെങ്കിലും സ്‌പോണ്‍സര്‍ അനുമതി നല്‍കാതിരുന്നതിനാല്‍ കുറച്ചു ദിവസങ്ങളായി മാനസികാസ്വാസ്ഥ്യം പ്രകടിപ്പിച്ചിരുന്നു. ജിദ്ദയിലെ നസീം ജിദ്ദ പോളി ക്ലിനിക്കിന് സമീപത്തെ ഒരു കണ്ണടക്കടയിലായിരുന്നു ഇദ്ദേഹം ജോലി ചെയ്തിരുന്നത്.ദിവസങ്ങളായി കടയും തുറന്നിരുന്നില്ല.അബ്ദുല്‍ റസാഖിന്റെ മൂന്ന് കുട്ടികളും ഭാര്യയും നാട്ടിലാണ്.

Read More

താമരശ്ശേരിയില്‍  മാവോയിസ്റ്റ് സംഘത്തിന്റെ സാന്നിധ്യം

താമരശ്ശേരിയില്‍ മാവോയിസ്റ്റ് സംഘത്തിന്റെ സാന്നിധ്യം

കോഴിക്കോട്: താമരശ്ശേരിയില്‍ വീണ്ടും മാവോയിസ്റ്റ് സംഘത്തിന്റെ സാന്നിധ്യം. കണ്ണപ്പന്‍കുണ്ട് മേല്‍ഭാഗത്ത് മട്ടിക്കുന്ന് രാഘവന്റെ വീട്ടിലാണ് ഞായറാഴ്ച രാത്രി ഏഴോടെ ആയുധധാരികളായ നാലംഗ മാവോയിസ്റ്റ് സംഘമെത്തിയത്.ഒരു പുരുഷനും നാല് സ്ത്രീകളുമാണ് സംഘത്തില്‍ ഉണ്ടായിരുന്നത്. തയ്യാറാക്കിവെച്ചിരുന്ന ഭക്ഷണസാധനങ്ങള്‍ ഉള്‍പ്പെടെ സംഘം കൊണ്ടുപോയി. മൊബൈല്‍ ഫോണ്‍, കമ്പ്യൂട്ടര്‍ തുടങ്ങിയവ വീട്ടില്‍ നിന്ന് ചാര്‍ജ്ജ് ചെയ്യുകയും ചെയ്തു. രാത്രി ഒന്‍പതുവരെ സംഘം വീട്ടില്‍ തുടര്‍ന്നു. മാവോയിസ്റ്റ് സാന്നിധ്യമുണ്ടെന്നറിഞ്ഞതിനെത്തുടര്‍ന്ന് സ്‌പെഷ്യല്‍ ബ്രാഞ്ചും ആഭ്യന്തര സുരക്ഷാ വിഭാഗവും അന്വേഷണം തുടങ്ങി.

Read More

തീരപ്രദേശങ്ങള്‍ക്ക് മുന്നറിയിപ്പ്

തീരപ്രദേശങ്ങള്‍ക്ക് മുന്നറിയിപ്പ്

തിരുവനന്തപുരം: കേരള തീരത്ത് 2.5 -3 മീറ്റർ ഉയരത്തിൽ തിരമാലകൾ ഉണ്ടാകാൻ സാധ്യതയെന്ന് മുന്നറിയിപ്പ്. കൊല്ലം ,ആലപ്പുഴ ,കൊച്ചി ,പൊന്നാനി, കോഴിക്കോട്, കണ്ണൂർ, കാസർഗോഡ് എന്നീ തീരപ്രദേശങ്ങളിൽ കൂറ്റൻ തിരമാലകൾ ഉണ്ടാകുമെന്നാണ് മുന്നറിയിപ്പ്. 22/4/2018 17:30 മണി മുതൽ 23/4/ 2018 23.30 മണി വരെ തിരമാല ആഞ്ഞടിക്കുവാൻ സാധ്യതയുണ്ട്. വേലിയേറ്റ സമയത്തു തിരമാലകൾ തീരത്തു ശക്തി പ്രാപിക്കുവാനും അത് ആഞ്ഞു അടിക്കുവാനും സാധ്യതയുണ്ട് . തീരത്തു ഈ പ്രതിഭാസം കൂടുതൽ ശക്തി പ്രാപിക്കുവാൻ സാധ്യത ഉള്ളതിനാൽ [...]

Read More

വ്യാജ ഹര്‍ത്താല്‍ ആഹ്വാനം

വ്യാജ ഹര്‍ത്താല്‍ ആഹ്വാനം

മലപ്പുറം:ഇന്ന് സംസ്ഥാനത്ത് ഹര്‍ത്താലെന്ന പേരില്‍ സാമൂഹ്യമാധ്യമങ്ങളില്‍ നടന്ന വ്യാജ പ്രചാരണം പലയിടങ്ങളിലും ഹര്‍ത്താലായി മാറി.ആളുകള്‍ വഴി തടയുകയും വാഹനയാത്രക്കാരെ ഭീഷണിപ്പെടുത്തുകയും ചെയ്തു. കടകള്‍ അടപ്പിച്ചു. വടക്കന്‍ ജില്ലകളിലാണ് പ്രശ്നം രൂക്ഷമായത്. രാവിലെ മുതല്‍ സംഘം ചേര്‍ന്ന് ആളുകള്‍ വഴിതടയുകയും പ്രധാന റോഡില്‍ മാര്‍ഗതടസ്സം സൃഷ്ടിക്കുകയുമായിരുന്നു.പല ബസ്സുകളും പാതിവഴിയില്‍ ട്രിപ്പ് മുടക്കി. കെഎസ്ആര്‍ടിസി ബസുകളും സ്വകാര്യ വാഹനങ്ങളും കടത്തി വിടുന്നുണ്ട്. ചോദ്യം ചെയ്യലുകള്‍ക്ക് ശേഷമാണ് ചെറുവാഹനങ്ങള്‍ കടത്തിവിടുന്നത്. ഏതെങ്കിലും സംഘടനയുടെ പേരിലല്ല ഹര്‍ത്താലനുകൂലികള്‍ സംഘടിച്ചിരിക്കുന്നത്.പരപ്പനങ്ങാടിയിൽ ഹർത്താലനുകൂലികൾ ഭീകരാന്തരീക്ഷം സൃഷ്ടിച്ചു. [...]

Read More

തമിഴ്നാട്ടിലുണ്ടായ വാഹനാപകടത്തില്‍ 4 മലയാളികള്‍ മരിച്ചു

തമിഴ്നാട്ടിലുണ്ടായ വാഹനാപകടത്തില്‍ 4 മലയാളികള്‍ മരിച്ചു

ഡിണ്ടിഗൽ: വാഹനാപകടത്തിൽ 4 മലയാളികൾ മരിച്ചു. തമിഴ്നാട് ഡിണ്ടിഗൽ വത്തലഗുണ്ടിൽ രാവിലെ 10.20 നാണ് ബസും മലയാളികൾ സഞ്ചരിച്ചിരുന്ന കാറും അപകടത്തിൽപെട്ടത്. കോഴിക്കോട് സ്വദേശികളായ അബ്ദുൽ റസാഖ്, രസീത ബീഗം, നാമിയ, ഫാസിൽ എന്നിവരാണ് മരിച്ചത്. ആദിൻ, ബാസിൻ എന്നിവരെ പരിക്കുകളോടെ തേനിയിലെ ആശുപത്രിയിൽ പ്രവേശിപ്പിച്ചു.

Read More

മുക്കത്ത് യുവാവിനെ വെട്ടി പരിക്കേല്‍പ്പിച്ചു

മുക്കത്ത് യുവാവിനെ വെട്ടി പരിക്കേല്‍പ്പിച്ചു

കോഴിക്കോട്: മുക്കത്ത് യുവാവിന് അക്രമി സംഘത്തിന്റെ വെട്ടേറ്റു. പന്നിക്കോട് സ്വദേശി സുല്‍ഫിക്കറിനാണ് (35) വെട്ടേറ്റത്. സുല്‍ഫിക്കര്‍ താമസിക്കുന്ന വാടക വീടിന് സമീപത്തു വെച്ച് രാത്രി 8.30ഓടെയായിരുന്നു സംഭവം. പന്നിക്കോട്ട് നിന്ന് സാധനങ്ങള്‍ വാങ്ങി മടങ്ങുന്നതിനിടെ മാരുതി ആള്‍ട്ടോ കാറിലെത്തിയ അഞ്ചംഗ സംഘമാണ് ആക്രമിച്ചതെന്നാണ് പ്രാഥമിക വിവരം. ഗുരുതരമായി പരിക്കേറ്റ സുല്‍ഫിക്കറിനെ കോഴിക്കോട് മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. രാഷ്ട്രീയ വൈര്യമാണോ വ്യക്തിപരമായ പ്രശ്‌നമാണോ ആക്രമണത്തിന് പിന്നിലെന്ന് അന്വേഷിച്ചു വരികയാണെന്ന് പോലീസ് പറഞ്ഞു.

Read More

ദളിത് ഐക്യവേദിയുടെ ഹര്‍ത്താല്‍ ആരംഭിച്ചു

ദളിത് ഐക്യവേദിയുടെ ഹര്‍ത്താല്‍ ആരംഭിച്ചു

കൊച്ചി: ദളിത് ഐക്യവേദി ആഹ്വാനം ചെയ്ത ഹര്‍ത്താല്‍ ആരംഭിച്ചു. രാവിലെ ആറു മതുല്‍ വൈകുന്നേരം ആറു വരെയാണ് ഹര്‍ത്താല്‍. ഉത്തരേന്ത്യയില്‍ ഭാരത് ബന്ദില്‍ പങ്കെടുത്ത ദളിതരെ വെടിവെച്ചുകൊന്നതില്‍ പ്രതിഷേധിച്ചാണ് ഹര്‍ത്താലിനു ആഹ്വാനം ചെയ്തിരിക്കുന്നത്. പാല്‍, പത്രം ഉള്‍പ്പെടെ അവശ്യസര്‍വീസുകളെ ഒഴിവാക്കിയിട്ടുണ്ട്. കൊച്ചിയിലും, തിരുവനന്തപുരത്തും, കോഴിക്കോടും, ആലപ്പുഴയിലും ഹര്‍ത്താലനുകൂലികള്‍ വാഹനങ്ങള്‍ തടയാന്‍ ശ്രമം നടത്തി. തൃശ്ശൂരിലും കൊല്ലത്തും കെഎസ്ആര്‍ടിസി ബസിനു നേരെ കല്ലേറുണ്ടായി. ആലപ്പുഴയില്‍ ബസ് തടഞ്ഞ സമരക്കാരെ പോലീസ് കസ്റ്റഡിയിലെടുത്തു. ആദിവാസി ഗോത്രമഹാസഭ നേതാവ് ഗീതാനന്തനെ പോലീസ് [...]

Read More

വീഡിയോ മോര്‍ഫിങ് കേസ്; മുഖ്യപ്രതി ബിബീഷ് അറസ്റ്റില്‍

വീഡിയോ മോര്‍ഫിങ് കേസ്; മുഖ്യപ്രതി ബിബീഷ് അറസ്റ്റില്‍

കോഴിക്കോട്: വടകര മോര്‍ഫിങ് കേസിലെ മുഖ്യപ്രതി ബിബീഷ് പോലീസ് പിടിയില്‍. ഇടുക്കിയില്‍ നിന്നുമാണ് ഇയാള്‍ പിടിയിലായിരിക്കുന്നത്. വിവാഹവീഡിയോയില്‍ നിന്നും സ്ത്രീകളുടെ ചിത്രങ്ങള്‍ അടര്‍ത്തിമാറ്റി മോര്‍ഫ് ചെയ്ത് നഗ്ന ചിത്രങ്ങള്‍ ഉണ്ടാക്കിയത് ബിബീഷ് ആയിരുന്നു. ഇടുക്കിയിലെ ബന്ധുവീട്ടില്‍ നിന്നുമാണ് ഇയാള്‍ പിടിയിലായിരിക്കുന്നതെന്നാണ് സൂചന. കോഴിക്കോട്ട്് നിന്നും പ്രത്യേക അന്വേഷണ സംഘം ഇടുക്കിയില്‍ എത്തിയാണ് അറസ്റ്റ് ചെയ്തത്. ഇയാളെ വൈകിട്ടോടെ വടകരയില്‍ എത്തിക്കുമെന്ന് സൂചനയുണ്ട്. കേസില്‍ നേരത്തെ സ്റ്റുഡിയോ ഉടമയും ഫോട്ടോഗ്രാഫറും അടക്കം രണ്ടുപേരെ അറസ്റ്റ് ചെയ്തിരുന്നു. വിവാഹ ഫോട്ടോയെടുക്കുന്നതിനിടെ [...]

Read More

മാഹിയിൽ ബിജെപി പ്രവർത്തകന് വെട്ടേറ്റു

മാഹിയിൽ ബിജെപി പ്രവർത്തകന് വെട്ടേറ്റു

കോഴിക്കോട് : മാഹി ചാലക്കരയില്‍ ബിജെപി പ്രവര്‍ത്തകന് വെട്ടേറ്റു. ചാലക്കര സ്വദേശി സജീവനാണ് വെട്ടേറ്റത്. വൈകുന്നേരം ഏഴ് മണിയോടെ ചാലക്കരവരപ്രത്ത് കാവില്‍ ഉത്സവത്തിനിടെയായിരുന്നു സംഭവം. ഉത്സവം കാണനെത്തിയ സജീവനെ ഒരു സംഘം വെട്ടി പരുക്കേല്‍പിക്കുകയായിരുന്നു. പുറത്ത് ഗുരുതരമായി വെട്ടേറ്റ സജീവനെ തലശ്ശേരി ഇന്ദിരാഗാന്ധി സഹകരണ ആശുപത്രിയില്‍ എത്തിച്ചെങ്കിലും പരുക്ക് ഗുരുതരമായതിനാല്‍ കോഴിക്കോട് മെഡിക്കല്‍ കോളെജിലേക്ക് മാറ്റി. സംഭവുമായി ബന്ധപ്പെട്ട് രണ്ട് പേരെ പളളൂര്‍ പോലീസ് കസ്റ്റഡിയിലെടുത്തു.

Read More

വെടിക്കെട്ട് അനുമതിക്ക് കര്‍ശന വ്യവസ്ഥകള്‍

വെടിക്കെട്ട് അനുമതിക്ക് കര്‍ശന വ്യവസ്ഥകള്‍

കോഴിക്കോട്: വെടിക്കെട്ട് അപകടങ്ങള്‍ ഉണ്ടായാല്‍ ആദ്യം മറുപടി പറയേണ്ടി വരിക പോലീസായിരിക്കുമെന്ന് ഡി.ജി.പിയുടെ മുന്നറിയിപ്പ്. വെടിക്കെട്ട് നടത്താന്‍ അനുമതിയില്ലാത്തവര്‍ക്ക് സമ്മര്‍ദ്ദത്തിന് വഴങ്ങി അവസരം നല്‍കരുതെന്നും ഡി.ജി.പി പുറത്തിറക്കിയ സര്‍ക്കുലറില്‍ നിര്‍ദ്ദേശിക്കുന്നു. മറ്റൊരു ഉത്സവകാലം കൂടിയെത്തുമ്പോഴാണ് വെടിക്കെട്ടിനുള്ള അനുമതി സംബന്ധിച്ച് പോലീസ് സ്വീകരിക്കേണ്ട കര്‍ശന നിലപാടുകളെ കുറിച്ചുള്ള ഡി.ജി.പിയുടെ സര്‍ക്കുലര്‍. വെടിക്കെട്ടപകടങ്ങളില്‍ ജില്ലാ ഭരണ കൂടമാണോ പോലീസാണോ മറുപടി പറയേണ്ടതെന്ന ചോദ്യങ്ങള്‍ക്കിടെയാണ് പോലീസാണ് ആദ്യം ഉത്തരം നല്‍കേണ്ടതെന്ന് ഡി.ജി.പി വ്യക്തമാക്കുന്നത്. ജില്ലാ കളക്ടര്‍ നല്‍കുന്ന അനുമതിക്ക് പുറമെ വെടിക്കെട്ട് [...]

Read More